Türkdilli Xəbər Agentlikləri Birliyinin (TKA) üzvlərinə

- Əziz həmkarlar!

Hörmətli xanımlar və cənablar!

Sizi – böyük türk dünyasının qardaşlıq, dostluq və həmrəylik əlaqələrinin möhkəmlənməsinə, yeni dəyərlərlə zənginləşməsinə sanbalı töhfələr verən TKA-nın üzvü olan agentliklərin kollektivlərini xalqlarımızın özü qədər qədim və möhtəşəm Novruz bayramı münasibətilə şəxsən öz adımdan, AzərTAc-dakı dostlarınız və Türkdilli Xəbər Agentlikləri Baş Məclisi adından səmimi qəlbdən təbrik edir, hamınıza Ulu Tanrıdan xoşbəxtlik, firavanlıq, tərəqqi və bol-bol bahar sevincləri arzulayıram.

Əcdadlarımızdan bizə əmanət qalan dostluq, qardaşlıq, birlik, həmrəylik və əməkdaşlıq ənənələrinin qloballaşan dünyamızın təhdidləri şəraitində qorumaq, inkişaf etdirmək və daha da möhkəmləndirmək siyasətinin informasiya təminatında Türkdilli Xəbər Agentlikləri Birliyinin xidmətlərini bu əziz bayram günlərində qeyd etmək çox xoşdur. TKA-nın formatı bizə tez-tez görüşmək, problemlərimizi müzakirə etmək, qarşımızda duran vəzifələri müəyyənləşdirmək üçün geniş imkanlar yaradır. Bu nəcib işdə hər birinizin xidmətlərini qeyd etmək gözəl Novruz günlərində məni olduqca şərəfləndirir.

Qadir Allahdan arzum budur ki, ruzi-bərəkət, bolluq və barış rəmzi olan Novruz böyük türk dünyasının dostluğunu, qardaşlığını, birliyini daha da möhkəmləndirmək üçün qarşımızda duran hədəflərə çatmaqda hər birimizə uğurlar gətirsin. Amin!

Dərin hörmət və ehtiramla,

Bakı, 21 mart 2011-ci il.

To members of the Union of the Turkish Speaking News Agencies (TKA)

- Dear colleagues!

Ladies and Gentlemen!

On behalf of myself, your friends at AzerTAc and Supreme Majlis of the Turkish-speaking News Agencies, I extend my heartfelt and sincere congratulations to staff of the member-agencies of the TKA, which contributes much to strengthening of fraternal, friendly ties and solidarity of the great Turkic world and enriching it with new values, on the occasion of the Novruz bayram, which is as old and great as our peoples. I ask the Most High to grant you happiness, welfare, progress and plenty of spring joy.

I am pleased to highlight, on this precious holiday, the contribution of the Union of Turkish-Speaking News Agencies to media coverage of the policy aimed at safeguarding, developing and strengthening even more the friendship, fraternity, unity, solidarity and cooperation traditions our ancestors left as treasure to us in the face of threats of the globalizing world. A format of the TKA provides opportunities for frequent meetings, discussing problems, outlining tasks facing us. On these magnificent Novruz days, I am honored to mention the contribution of all of you in this good cause.

What I ask from the Allah Almighty is that Novruz, which is a symbol of prosperity and peace, will bring success to each of us so that we could achieve our objectives to strengthen even more the friendship, fraternity and unity of the great Turkic world. Amin!

Respectfully,

Baku, March 21, 2011.


Членам Объединения тюркоязычных новостных агентств (ТКА)
- Дорогие коллеги!Уважаемые дамы и господа!

От себя лично, от имени Ваших друзей в АзерТАдж и Генеральной ассамблее тюркоязычных новостных агенств поздравляю Вас – коллективы агентсв-членов ТКА, которые внесли достойный вклад в укрепление братских, дружественных связей, солидарность великого тюркского мира, его обогащение новыми ценностями, - с древним праздником Новруз, желаю Вам счастья, процветания, прогресса и много-много весенней радости.

Особенно приятно в эти праздничные дни отметить заслуги Альянса тюркоязычных новостных агентств в информационном обеспечении политики сохранения, развития и укрепления традиций дружбы, единства, солидарности и сотрудничества в условиях угроз нашего глобализующегося мира. Формат ТКА предоставляет нам широкую возможность часто встречаться, обсуждать проблемы, определять предстоящие задачи. Для меня большая честь отметить заслуги каждого из Вас в эти прекрасные праздничные дни.

Желаю, чтобы праздник Новруз – символ процветания и мира – принес каждому из нас удачу в достижении наших целей во имя укрепления дружбы, братства и единства тюркского мира!

С глубоким уважением

Aslan Aslanov
Türkdilli Xəbər Agentlikləri
Birliyi Baş Məclisinin sədri,
AzərTAc-ın Baş direktoru

– Əziz dostlar!
Hörmətli həmkarlar!
Türkdilli Xəbər Agentlikləri Birliyi Baş Məclisinin (TKA) veb–saytının fəaliyyətə başlaması münasibətilə hamınızı səmimi qəlbdən təbrik edirəm.
Qədim və zəngin mədəniyyətə malik olan türkdilli xalqlar bəşər sivilizasiyasına çox böyük töhfələr vermişlər və bu iş bu gün də uğurla davam edir. Xalqlarımız arasında münasibətlərin, qarşılıqlı surətdə faydalı əlaqələrin dərinləşməsi, qloballaşan dünyada türkdilli dövlətlərin və xalqların layiqli yer tutmasının təmin edilməsi, beynəlxalq aləmdə mövqelərinin möhkəmləndirilməsi yenicə qədəm qoyduğumuz minilliyin sifarişidir. Bu mənada Azərbaycan-Türkiyə əlaqələri, “bir millət, iki dövlət”in birliyi türk dünyası üçün böyük əhəmiyyətə malikdir.
Belə sarsılmaz dostluq, qardaşlıq əlaqələrinin bütün türkdilli ölkələrin, xalqların arasında yaradılması indi həmişəkindən daha vacibdir və buna nail olmaq mümkündür. Bu mənada təmsil etdiyimiz xəbər agentlikləri çox şey edə bilər.
Türkdilli Xəbər Agentlikləri Birliyi (TKA) 1992-ci ilin noyabrında Ankarada yaradılmışdır. Türk dünyası haqqında ilk mənbədən alınmış xəbərləri beynəlxalq aləmə qərəzsiz və obyektiv çatdırmaq, habelə qurumun üzvləri arasında əməkdaşlıq əlaqələrini, qarşılıqlı təcrübə mübadiləsi imkanlarını genişləndirmək TKA-nın hədəflədiyi əsas məqsəddir.
2008-ci il aprelin 29-dan mayın 3-dək Bakıda Azərbaycan xalqının ümummilli lideri Heydər Əliyevin anadan olmasının 85-ci ildönümü ilə əlaqədar TKA Baş Məclisinin “Türkdilli ölkələrin əlaqələrinin inkişafında xəbər agentliklərinin əməkdaşlığının rolu” mövzusunda VII iclası keçirilmişdir. Bakı forumu maraqlı diskussiyaları, ən başlıcası isə tarixi qərarı ilə yaddaşlarda qalmışdır. “Başinform”, “Tatar-inform” və “Krım xəbərləri” agentlikləri məhz Bakı forumunun qərarı ilə Birliyə üzv qəbul edilmişdir. Bununla əlaqədar Türkdilli Xəbər Agentlikləri Birliyinin Nizamnaməsində müvafiq dəyişiklik edilmişdir.
Cari ilin əvvəllərində AzərTAc “Türkdilli Agentliklərin Bakı görüşü” adlı illüstrasiyalı kitabı nəfis tərtibatla çap etmiş və TKA-nın üzvü olan bütün agentliklərə göndərmişdir. Həmin kitabda Bakı forumunun bütün iştirakçılarının çıxışları, iclas çərçivəsində keçirilmiş tədbirlərə həsr olunmuş materiallar, habelə çoxsaylı fotoşəkillər toplanmışdır.
Bakı iclasında TKA-nın Baş Məclisinə sədrlik Anadolu Agentliyindən AzərTAc-a keçmişdir. Elə həmin iclasda Birliyin yeni veb-saytının yaradılması barədə qərar qəbul edilmişdir.
Əminəm ki, Anadolu Agentliyinin təşəbbüsü ilə hazırlanmış yeni portalın fəaliyyətə başlaması ölkələrimizin sosial-siyasi və iqtisadi-humanitar həyatında baş verən yeniliklərə dair informasiyanın daha geniş coğrafiyada yayılmasını təmin edəcək, qardaş xalqlarımızın əlaqələrinin inkişafına kömək edəcək, agentliklərimizin ümumi məqsədlərinə xidmət göstərəcəkdir. Bu ümumi platforma agentliklərimizin qarşılıqlı əməkdaşlığı üçün yalnız əsas yaradılması ilə məhdudlaşmayacaq, eyni vaxtda xalqlarımız arasında tarixən mövcud olmuş dialoqun, dostluq və qardaşlıq dəyərlərinin yeni təməllər üzərində qurulmuş ünsiyyət körpüsü olacaqdır.
Türkdilli xalqların və ölkələrin qarşılıqlı maraq, dərin tarixi köklər əsasında qurulmuş qardaşlıq münasibətləri həm türk dünyasının birliyi, həm də dünyada gedən proseslər üçün böyük xidmətlər göstərə biləcəyini yüksək dəyərləndirən Azərbaycan xalqının ümummilli lideri Heydər Əliyev deyirdi: “Türk xalqları minillər boyu sıx əməkdaşlıq etmiş, qarşılıqlı fəaliyyət göstərmiş, bir-birini zənginləşdirmişlər. Yeni mərhələdə, yeni şəraitlərdə bu əməkdaşlığın dirçəldilməsi bizim hamımız üçün mühüm əhəmiyyətə malikdir. Bu köklər, əsaslar bizim xalqların ən əziz istəklərinin həyata keçirilməsi üçün geniş imkanlar açır, onların sülh və tərəqqiyə doğru inamla irəliləmələri üçün gözəl şərait yaradır”.

Əziz dostlar!

TKA-nın veb-saytının fəaliyyətə başlaması ortaq tarixi, mədəniyyəti, dili, oxşar adət-ənənələri olan xalqlarımız, ölkələrimiz arasında əlaqələrin, əməkdaşlığın genişləndirilməsi və möhkəmləndirilməsi üçün çox böyük imkanlar yaradır. Bir-birimizi daha yaxından tanımaq, ən başlıcası isə özümüzü dünyaya daha geniş tanıtmaq və ölkələrimiz haqqında həqiqətləri yaymaq üçün bu imkandan layiqincə istifadə etməliyik. Bütün bunların isə yolu yenə də bizim birliyimizdən, sıx əməkdaşlığımızdan keçir.
Bu işdə hamımıza müvəffəqiyyətlər arzulayıram, veb-saytımız xeyirli və uğurlu olsun!